Page 30 - MIN ARENDS 7 JAN 2017

persona tabata para pafo di e terminal, na momento cu patruya y
ambulancenan tabata bay pa duna asistencia na e sitio di e sucedido.
Un di e prome informenan riba e sucedido a bin di e ex Secretario di Prensa di

Cas Blanco, Ari Fleischer. Den un tweet, e la comenta: ” Mi ta na e Aeropuerto
di Ft. Lauderdale caminda un tiroteo a tuma luga. Tur hende ta na careda.”

Segun testigonan, e atacante tabata un homber hoben y delega, bisti cu un
tshirt di Star Wars. E no a bisa nada ni prome ni durante e tiroteo. Senador pa e

estado di Florida, Bill Nelson a identifica e atacante como Esteban Santiago
Ruiz, di 26 aña.

E atacante a wordo aresta casi dos ora despues di cu e atake a cuminsa. E
tiroteo a ocasiona un caos den e terminal, caminda hendenan a cuminsa core
den tur direccion pa asina evita di wordo tira mata.

Autoridadnan Federal di Aviacion a emiti un orden di prohibicion pa tur vuelo,
tanto esunnan drentando como esunnan cu mester a sigui nan biahe.

Presidente electo Donald Trump a manda un tweet bisando cu e ta bezig ta
monitor e situacion teribel na Florida y cu el a papia cu e gobernador di Florida.

Fort Lauderdale ta un hub turistico importante pa e area di Miami y cu riba un
dia normal ta ricibi un averahe di entre 80 pa 100 mil pasahero pa dia.

Miami International Airport a anuncia cu nan a tuma medidanan extra di
siguridad, como extra precaucion.