Page 36 - MIN ARENDS 7 JAN 2017

un aña stabil. Ta dificil pa compar’e cu 2015.

2015 tabata un aña hopi inusual, mirando e trafico cu tabata tin di Venezuela, pero e trafico cu
nan tabata tin tabata for di e aerolineanan cu tabata tin un schedule consistente cu ta bulando
pa hopi aña y asina e tabata un aña stabil y awo mirando cu ta drenta den 2017, cu algun
punto mas halto, cual ta consistente a plazo largo. Mientras cu forecast ta crece pa
aeropuerto, di 2 pa 3 porciento, por mira cu e aeropuerto ta crece den e añanan cu ta bin.

Fazzio ta splica cu loke ta interesante ta cu ta 17 aña for di e proyecto di Beatrix 2000. Ora el a
wordo completa, ainda e tabata atras den tecnologia y capacidad. E diseño pa Beatrix 2000,
tabata diseña pa premira te cu 2010. Tabata tin cierto punto cu tabata satura y ta tempo pa
cuminsa haci inversionnan significante, tanto den tecnologia, capacidad, siguridad, pa haci e
aeropuerto riba standardnan actual, pero pone riba clase mundial. Tambe pa pone na halto
den capacidad y crecemento pa e añanan cu ta bin.

Prioridadnan

Tin algun proyecto cu kier caba cun’e. A pasa 2 aña cu a purba di mehora e experiencia pa e
pasahero, uzando tecnologia na e frontera. WIFI gratis, Mehora e outletnan di cuminda y
bebida. Den e proximo lunanan lo bay caba cu tres unidad di F&B. Ta kere cu e infrastructura
cu tin actualmente, ta na un luga caminda cu ta haci cu loke cu tin. E pasaheronan ta pasando
mas lihe via e gatenan. Ta enfocando awor aki pa completa algun proyecto cu por yuda e
proceso di yegada. A remodela e Immigration Hall. A reorganisa e E-gates pa asina e team di
imigracion por tin miho herment pa procesa. A pone boothnan mas nobo pa mehora e espacio
circulacion. A kita e tapijt. Haciendo esaki un miho ambiente pa e pasahero. E transicion di e
imigration hall pa bagage claim tin un rampa y ta mas customer friendly. Awor aki ta den
proceso pa haci algun mehoracion na e salida di imigracion pa permiti e oficialnan di
imigracion haya miho herment y pa conduci nan trabao. Kier completa esaki den algun luna.

Tambe kier enfoca riba un proyecto mas grandi, cual ta un inversion di mas di 180 miyon dollar
y ta enfoca riba e proceso di salida y algun capacidad di gate. Expansion den US checking hall. E
lo wordo uza hunto cu e sistema nobo di maleta, tanto pa US y e otro buelonan cu no ta pa
Merca. Elimina e bagage reclaim na e parti Mericano, caminda cu ta check e maleta un solo
biaha. Tambe pa elimina e di dos security check. Pa haya e pasaheronan yega na gatenan mas
lihe, mester miho opcion pa nan gasta placa y ocupa nan tempo. Lo bay tin un US shopping
area cu espacionan grandi y ta purbando pa trece e aeropuerto den e era moderno. Regla
algun problema cu nan ta lucha cune den operations y percura pa e aeropuerto ta super
customer friendly y ta bon pa e añanan cu ta bin.

E proyectonan aki lo tuma luga pa 2017. Medio 2017 lo cuminsa cu algun caba door di reloca e
utilidadnan pa asina por traha espacio pa e construccion nobo. Ta sinti bon cu dentro di medio
2017 pa fin di aña lo bay ta bon pa loke ta e proyecto.

http://www.24ora.com/index.php?option=com_content&view=article&id=117344:james-fazzio-
di-aaa-2016-tabata-stabil-pa-aeropuerto&catid=1:local&Itemid=5