Page 37 - MIN ARENDS 7 JAN 2017

Ronella Croes ta splica riba e promocion y inversion di parti
di ATA

Thursday, 05 January 2017 21:11
Comparti

Tabata tin e discusion cu tabata inverti localmente den cierto actividadnan cu no
necesariamente ta yuda promove turismo. Si ta bon hasta AHATA a yega di menciona esaki.

Segun Ronella Tjie Asjoe-Croes CEO di ATA, aña pasa a logra te hasta mantene e crecemento y
tur dificultadnan cu tabata tin, pero no solamente mantene, pero boek un crecemento, a
inverti un adicional 4 miyon florin den e mercado di Merca. Pa e aña aki ta manteniendo e
presupuesto di mercadeo di aña pasa, cu e incremento di aña pasa. Incluyendo esey ta
mantene locual a gasta aña pasa pa e mercado aki of pa e aña aki como presupuesto. Esey ta
duna un señal cu e inversion internacional mester keda fuerte pa asina logra e metanan.

Fuera di esey tin inversionnan local cu ATA ta haci tambe. Esaki ta conforme de facto e plan di
maneho cu a traha riba dje na 2013/2014 y a finalisa esaki, caminda hopi stakeholder a pidi pa
un ATA pa tin mas enfoke local tambe. Y mas enfoke local kiermen diferente inversion den
diferente aspecto. Tin aspectonan cu ta mas cerca di promocion internacional, por ehempel
eventonan cu ta promove internacionalmente caminda cual ta atrae bishitantenan y tin otro
tipo di inversionnan cu ta mas liga na e desaroyo di e producto y experiencia. Por ehempel
participacion di ATA den Aruba Certification Program of esfuersonan cu ATA ta haci pa provee
WIFI den diferente area pa nos bishitantenan.

Ta ehempelnan di tipo di inversionnan cu tambe ta local, pero pa otro motibonan y eseynan
netamente a bin como resultado di plan di maneho y di dialogo cu stakeholdernan, unda cu
mester a scucha y traduci esaki den accion.

ATA ta bay update y bay traha riba un plan di maneho nobo pa e proximo 4 pa 5 aña e aña aki
y lo wak kico ta e miho direccion. Ta kere firmemente analisando e situacion y e evolucion di
Aruba como producto tambe. Nos ta un producto cu e bishitantenan ta wordo pidi pa paga
averahe mas. Ta kere cu considerando tanto aña cu tin den turismo, e desaroyo y e producto,
e satisfaccion di e bishitantenan ta bon, pero pa por incrementa locual cu ta pidi di nan pa
paga, e mester bay man den man tambe cu sigur mehoracionnan den e experiencia total, kisas
den actividadnan nobo, innovacion, inversion den faciliddanan manera aeropuerto, inversion
den sector hotelero. Tur cos mester bay man den man pa por logra cu no necesariamente un