Page 12 - BONDIA ARUBA

a12 riba caya
Dialuna 11 Februari 2019

Chauffeur ta kibra porta di negoshi y bandona e sitio

PONTON - Diasabra
marduga un pickup lo a
para dilanti Breeze Facial
& Nail na Ponton unda
nan a bay pa come na e
truck. Pero e chauffeur asina
cansa pa un of otro motibo a
pone e auto den reverse y dal
den e porta di negoshi basta
duro kibrando e glas y tambe
full e structura di e entrada
pa despues bandona e sitio.
Personanan a mira esaki a
tuma e number y notifica
autoridad. Polis a presenta na
e sitio pa tuma dato.

Chauffeur basta bebi a dal tras di otro auto

ORANJESTAD -
Diasabra marduga riba
La Sallestraat yegando e
rotonde cu Caya Betico
Croes banda di tempo
un Suzuki Vitara a dal
basta duro tras di un
Ford Explorer. E impacto
a laga ambos auto kibra.
Polis a pone e chauffeur cu
e ocasiona e accidente pasa
un test di alcohol y a surpasa
esaki , no a keda nada mas cu
detene e chauffeur pa core
bou di influencia di alcohol.

Señora deteni pa horta den Food Center

SAN NICOLAS - Diasabra
atardi camara di siguridad
di Food Center na San
Nicolas a capta un señora
cu na mas cu un ocasion
nan a gare ta horta y
atrobe a horta purbando
na desvia di e camara, pero
su movecionnan a haci cu el
a keda gara. Polis a presenta
na e sitio y a topa cu e señora
y a haya e productonan horta.
A detene y tuma e denuncia
di e persona encarga cu e
supermarket.

Turista sin bida haya

na Caribbean Palm

Village

NOORD - Diabierna pa mes o menos 9or di anochi un per-
sona a topa cu un homber benta abou na Caribbean Palm Vil-
lage y cu no ta reaccionando maske cu a purba na lant’e. A
notifica polis caminda cu tanto ambulancenan como polis a
presenta cu urgencia. Paramediconan a haci nan maximo po-
sibilidad, pero tabata envano. A notifica dokter pa presenta y
constata morto. Departamento forensico y recherche a pre-
senta pahaci e investigacion necesario.