Page 10 - UTILITIES

28 AWEMainta Diamars, 17 Januari 2017

Otmar Oduber (POR):

Cunukeronan y criadornan

di bestia ta beneficia awor

di inversionnan haci durante

ultimo añanan den Santa Rosa

OTMAR Oduber, candidato di e plata-
forma politico POR y kende a carga e
responsabilidad como Minister di Sector
Primario durante 7 aña, ta bisa cu awor cu
e bendicion di nos Creador cunukeronan
ta beneficia di e inversionnan haci durante
ultimo añanan den Santa Rosa.
Esaki ta bin despues di un secura di basta
aña.

Entre e inversionnan cu Oduber ta men-
ciona tin e molinanan di awa cu a wordo
instala na varios bario rond Aruba cu a
cuminsa opera un biaha mas despues di
tur e awaceronan cu a cay riba nos isla.
Esaki sigur ta un ayudo grandi pa cunuke-
ronan y criadornan di bestia.
Igualmente ta menciona e inversion realisa
pa haci e damnan limpi.

Na e momentonan aki mayoria dam ta
den operacion y sector primario por haci
uzo di nan.
Maneho di ultimo añanan tabata neta-
mente pa prepara pa por acomoda cunuke-
ro y criadornan di bestia, no solamente
poniendo molinanan di awa y haciendo e
damnan limpi, pero tambe a haci inversion
na Parkietenbos, cual lamentablemente
durante e utimo 2 añanan no a funciona
manera mester ta.

Otmar Oduber a menciona tambe cu a
traha fuertemente pa bin cu e cambio den
ley unda a percura pa elimina invoerrech-
ten pa ekiponan pa sector primario.
Igualmente aña pasa a tuma e decision y
a logra convence Minister di Finansa pa
saca e drecreto cu ta haci sector primario
uno totalmente liber di impuesto. Es decir,
nan no mester paga winstbelasting ni ink-
omstenbelasting.

Durante e ultimo 7 añanan a Ministerio di
Sector Primario a percura pa rebiba Santa
Rosa, duna atencion na un di e partinan
importante di nos isla cu ta agricultura,
cria y pesca y asina a bin cu cambionan
grandi, cambionan cu e meta pa yuda en-
grandece sector primario na Aruba.