Page 7 - UTILITIES

AWEMainta Diamars, 17 Januari 2017 21

Palo di Luz den Sabanilla Abao ta trece
Palo di Luz den Sabanilla Abao ta trece

trankilidad cerca su habitantenan
trankilidad cerca su habitantenan

Ta gradici na Prome Minister Mike Eman
Ta gradici na Prome Minister Mike Eman

ACCION di Bario diahuebs ultimo a trece hopi
cos bon pa e barionan di Sabanilla Abao y Santa
Lucia den e districto di Santa Cruz. E bishita di
Prome Minister Eman semper ta compaña pa
accion di limpieza y control di muskita. Pero
loke e habitantenan ta mas entusiasma y gradici
p’e ta e puntonan di luz publico cu a instala na
diferente punto di e bicindario.

Jessica Kelly, p. e. ta un di esnan cu a haya bishita
di Premier Eman na su cas. El a expresa cu e
ta “contento di wak e akibandanan despues di
hopi tempo cu nos no a haya bishita di ningun
akibanda y tambe contento cu nos ta bay haya
luz di caminda.”

Esaki ta algo cu Kelly y su bisiñanan tin hopi
tempo ta warda riba dj’e, y finalmente ta Gabi-
nete Mike Eman ta haci e deseo ey un realidad.
Un deseo cu awo e kier pa mas hende tambe
haya.
Otro habitante, esta Angela Werleman, a splica
con anochi ta tende diferente zonido, pero dor
cu ta asina scur no ta tribi di sali wak.
“Mi ta keda contento cu nan pone paso akibanda
ta hopi scur. Nan ta bon haciendo loke nan ta
haci paso mester haci algo pa Aruba”, el a indica.

Na final di e bishitanan, Minister Presidente
Mike Eman a confirma su compromiso di con-
tinua cu e bishitanan di bario, y hopi di nan lo
ta combina cu instalacion di luz publico LED pa
trece mas seguridad y trankilidad den barionan
di nos isla.