Page 59 - MIN JUS
P. 59
Celebracion di 14 aña di Oficialisacion di Papiamento 2003 –
2017
Wednesday, 17 May 2017 20:56
Comparti
Fundacion Lanta Papiamento ta invita pueblo en general pa bin celebra hunto cu ne e di 14 aña di
oficialisacion di Papiamento.
E evento aki ta tuma luga dialuna dia 22 di mei na Biblioteca Nacional Aruba den George Madurostraat y
ta di 7.00 pa 9.30 or di anochi.
FLP ta ofrece un programa masha varia cu ta tanto informativo como divertido. Lo duna un splicacion di
e ley cu ta haci Papiamento oficial y e bentaha cu e oficialisacion a trece cu ne; esaki ta na encargo di
Joyce Pereira. Merlynne Williams ta presenta resultado di un investigacion relaciona cu e proyecto Scol
Multilingual. Un linguista di Departamento di Enseñansa lo presenta e manualnan di gramatica di
Papiamento cu ta obtenibel actualmente. Un docente di Papiamento, Cesar Kelly lo trata structura di
algun frase na Papiamento cu hopi biaha ta causa problema ora di papia of skirbi.
Ta clausura e anochi cu un quiz tocante Papiamento. Lo tin bunita premio pa e ganadonan. Lo tin rifa
tambe durante e anochi.
Entrada ta gratis. Bini un bini tur pa celebra algun logro di nos idioma Papiamento.
