Page 61 - MIN JUS
P. 61
Art.2.1. Unda ta papia di crimen/misdrijf generalmente of particularmente ta wordo compronde
tambe bou di complise na intento di un crimen.
2. Unda particularmente stipulacion relaciona cu kohe den beslag solamente di obhetonan, ta
wordo compronde ei bou tambe demandanan.
3. Bou di e palabra hura semper ta wordo compronde promesa.
4. Bou para un persona ta wordo compronde tambe para un vehiculo y barco.
Comentario; Vehiculo ta un aparato cu ta core y un barco ta un aparato cu ta nabega. Pues tur loke
ta core ta vehiculo y tur loke ta nabega ta barco.
Art. 3.1. Un periodo stipula den e Codigo aki, denter di cual por apela contra un decision, ta
terminando riba un diasabra, diadomingo, of un dia di fiesta oficial, ta wordo prolonga te cu prome
dia cu no ta un diasabra, diadomingo of un dia di fiesta oficial. E decreto di dianan igual cu
diadomingo ta di acuerdo aplicabel.
2. Un periodo di tres dia, si esei ta necesario ta wordo prolonga cu asina tanto dia, cu ta ensera
por lo menos dos dia, cu no ta un diasabra, diadomingo of generalmente un dia di fiesta
oficial.
3. Bou di un luna ta wordo compronde e periodo di 30 dia, y un dia di 24 ora.
Documentonan di proceso
Art.4.1. E documentonan den e sentido di e Codigo aki ta wordo considera di ta tur e documentonan
cu polis a colecta contra un sospechoso relaciona cu su persona, contal cu den tal caso nan ta wordo
usa contra su persiguimento.
2. Bou di e autorisacion pa tuma nota di e documentonan aki ta ensera tambe e derecho pa haci
anotacion di nan. Ministerio Publico por dicidi como regla general den cua casonan por duna
copia di tal documentonan, Ministerio publico por regla tambe, a no ser cu tin otro
stipulacion, e forma, e manera cu ta permiti pa tuma nota di e docuemntonan, ademas, si ta
necesario, e lugar y e manera cu lo tene supervision ora ta tuma nota di tal documentonan.
3. Despues cu e caso a wordo entama na Corte, e decisionnan referi den e di dos parafo ta
wordo tuma dor di e hues cu ta husga e caso of ultimo a husga.
Art.5.1
