Page 32 - MIN ARENDS
P. 32
Actividad Hackathon Oranjestad Edition ta tuma lugar fin di
otro siman
Friday, 05 May 2017 20:42
Comparti
Dia 12 y 13 di mei proximo, Ministerio di Asuntonan Economico hunto cu Bureau Innovatie, Camara di
Comercio y Representacion di Hulanda na Aruba (VNO) ta organisa un asina yama Hackathon
Oranjestad Edition.
Ayera e mandatario a sostene un reunion tambe cu ehecutivonan di BI pa papia di e Hackaton aki.
Minister Arends a splica cu Hackathon ta un sorto di brainstorming riba un sistema, unda hendenan
pafor di e sistema tambe ta invita pa participa. Kico esaki ta encera? Hendenan cu ta pafo di un sistema?
Minister Arends: "Pa loke ta Hackathon Oranjestad edition nos ta invita hendenan cu tin un background
den IT, otronan tin un background economico y tecnologico. Nan tur ta hendenan cu ta pafo di comercio
y net e hendenan aki por bin cu solucion pa issuenan, manera entre otro con impulsa actividadnan
economico den caya grandi. Añanan anterior e sorto di actividadnan aki a wordo organisa den cuadro di
TEDx. Den e caso aki bo ta sinta hunto pa dos dia, pensa y debati 'outside the box'. Bo ta 'desorganisa'
sistemanan existente pa di e forma aki crea un momentum, un dinamica pa den e caso aki reactiva e
actividadnan den caya grandi.
E idea pa bin cu un hackathon a surgi na momento cu minister Arends a asumi e cartera di Asuntonan
Economico. Den su consultanan cu gremionan y representantenan comercial a conclui cu sector
comercial – especialmente den caya grandi – ta den un periodo di transicion. “Un di e proyectonan
principal di e programa di inversion di Gabinete Mike Eman tabata revitalisacion di centronan di ciudad.
Den cuadro di esaki caya grandi a haya atencion special,” Minister Arends a splica. Sinembargo mester
tene cuenta cu algun factornan manera e fenomeno di online shopping, como tambe e cambio den
demanda di consumidornan local y bishitante cu ta forma un reto adicional pa nos modelo di haci
negoshi. “Cu e hackathon nos ta spera di contribui na e yamada di sector comercial pa asina impulsa e
actividadnan economico den caya grandi haciendo uso di beneficio di economia di experiencia, inovacion
y tecnologia “
http://www.24ora.com/index.php?option=com_content&view=article&id=121521:actividad-hackathon-
oranjestad-edition-ta-tuma-lugar-fin-di-otro-siman&catid=1:local&Itemid=5