Page 10 - UTILITIES 10 MARCH 2017

Mike de Meza for di Caracas despues di reunion cu colega

Nelson Martinez: Ta premira trabaonan grandi den e

refineria

Thursday, 09 March 2017 23:30
Comparti

E reunion cu Nelson Martinez di PDVSA cu ministernan de Meza y Croes, tabata uno importante.
Minister Mike de Meza a comenta cu nan a reuni cu Nelson Minister, cu tabata un reunion hopi
interesante y importante pa Gobierno. A toca diferente punto di interes pa e proyecto di Aruba cu ta
Citgo cu a bin a traha riba dje dos anja caba y por cierto ta mira cu e ta cristalisando.

Actividadnan ta tumando luga den e refineria. Tin un plan total y lo bay mira hopi lihe dentro di dos luna
cu mas hende ta bay bin pa traha den e refineria. Pa busca tur e operadornan, pa por bay un scol di
training, pa e rehabilitacion cuminsa. Ta tuma un asceleracion tambe, hopi mas grandi cu ta bay mira
dene lunanan dilanti. Pa otro anja, e prome parti di e refineria lo mester bay den operacion. Dus ta
premira trabaonan grandi. Na mes momento ta mira e proyecto di tubo di gas for di Venezuela, lo a
completa caba. Ya ta trahando riba e disenjo. E costonan ta calcula. “E partinan financiero ta proyecta y
ta trahando riba esakinan. Ta premira trabaonan grandi cu ta bay tuma luga riba diferente di e
proyectonan aki. Por a mira e branding di Citgo cu a tuma luga na Aruba, den e diferente gas stationnan.
Trabaonan grandi a wordo haci cu tur ta orguyoso di dje. Ta premira trabaonan hopi grandi cu a bin ta
realisa hunto cu minister Nelson Martinez cu tambe ta presidente di Citgo ya dos anja caba. Awe por a
mira e frutanan. Minister de Meza a splica cu e relacion ta sumamente positivo. Ta masha contento pa
esey tambe pasobra como dos pais, Venezuela y Aruba, bisinjanan di otro pa miles di anja, no ta bay kita
di esey, conhuntamente por haci trabaonan grandi cu ta beneficioso pa tur pais. Cu esaki ta bisa di tin un
relacion positivo cu Gobierno di Venezuela, hunto cu Gobierno di Aruba y specialmente cu sr. Nelson
Martinez, colega minister di energia cu a traha cun’e pa dos anja largo, cual ta sumamente contento y
orguyoso di dje.

http://www.24ora.com/index.php?option=com_content&view=article&id=119577:mike-de-meza-for-di-
caracas-despues-di-reunion-cu-colega-nelson-martinez-ta-premira-trabaonan-grandi-den-e-
refineria&catid=1:local&Itemid=5