Page 17 - BNDIA ARUBA
P. 17
A17
HENDE Diamars 19 Februari 2019
Aruba Lions Club cu donacion na dos ekipo di basketball
ORANJESTAD - Impact Mini Lions y Impact Lions
basketball team a haya un tremendo ayudo den forma
di uniform y material pa nan por sigui practica nan de-
porte preferi, cu ta basketball.
E Mini Lions ta forma pa muchanan di 8 pa 12 aña, mientras
cu Impact Lions ta consisti di muchanan di entre 13 pa 16 aña,
y ta train riba un basketball court na Esso Heights.
Aruba Lions Club ta kere den e hubentud, pasobra nan ta e
futuro, y nos tin cu apoya nan pa nan logra nan meta riba cu-
alkier tereno. E dos teamnan cu orguyo y alegria a batisa nan
uniform, y e padrinonan tabata Lion president Ivan Croes y
Lion secretario Gerardo Figaroa.
E otro miembronan cu a asisti ta Lion Bibi Arends, Lions
Roccini Anthony, Lion Magaly Franken, Lion Igor Croes,
Lion Ricky Vijsma, Lion Franklin Richardson y Lion Randolf
Vrolijk.
Un felicitacion na e muchanan y nan coachnan y danki pa laga
Aruba Lions Club yuda boso.
Minister Rudy Lampe ta bishita cu sectornan di EPI
ORANJESTAD - Diahuebs dia
14 di februari ultimo, minister
dr. Armando Lampe a sinta
hunto cu e managernan di EPI
den nan reunion semanal, pa
asina e haya un bista di kico tur
ta e inkietud cu ta existi cerca
e unitnan, y duna reaccion of
contesta na diferente pregunta
cu e managernan tabata tin.
Despues di e encuentro cu e man-
agernan, Lampe a wordo invita pa
e manager di sector Horeca pa haci
un recorido den e cushina di nan
unit, cu ta en espera di un reno-
bacion, na unda Lampe por mira
kico tur a haci caba y kico tin pa
wordo haci ainda.
Na final, Lampe a keda satisfecho
di e manera cu ta hibando e mane-
ho di e cushina y ta aplaudi cu tin
un cushina di un calidad halto.
Sigur lo keda cu speransa cu sec-
tor priva lo sigui aporta cu inver-
sionnan den cushina, na unda cu
na final di cuenta, ta forma futuro
empleadonan den e sector di ho-
reca mes.
