Page 13 - BNDIA ARUBA

a13
riba caya Diamars 19 Februari 2019

Auto a pega candela riba caminda di Mahuma

SANTA CRUZ - Pabou di e rotonde Mahuma, ayera
den oranan di marduga, polis y unidad di brandweer a
keda dirigi pa un auto na candela.

Polisnan ta topa cu un Toyota Altezza banda di caminda, sin
ningun hende den of rond di dje. E oficialnan a haya holo di
algo kima, pero ya no tabata tin candela mas. E auto a keda
laga atras su so.

Personal di brandweer a controla, pero no a mira nada cu por
sigui causa candela.

Vitz a hit and run un Tiida y

a bay para te na Malmok

SALIÑA CERCA - Diadomingo durante oranan di
merdia riba e caminda di Saliña Cerca a sosode un ac-
cidente un vitz a cu dal basta duro tras di un Nissan
Tiida.
E impacto a laga ambos auto kibra. E vitz blauw a sigui core
bay nort y banda di Malmok polis a topa cu e auto banda di ca-
minda kibra. Mientras polis ta tumando dato e pasahero den
e auto a bira malo , aki ta unda cu polis a pidi pa asistencia di
ambulance cu na nan yegada paramediconan a brinda asisten-
cia na e victima.

Persecucion formal pa auto cu no a para pa Polis

ORANJESTAD - Diasabra durante oranan di
marduga patruya di Oranjestad a duna e chauf-
feur di un Hyundai Accent señal pa para, pero e
no a hacie caso y a subi su velocidad sigui core.

Aki a start un persecucion caminda esaki a drenta,
area di Seroe Preto Paradera, bay Rooi Afo. Asina e
chauffeur a keda core pa polis riba bou manera un
loco, treciendo su bida y di e oficialnan na peliger.
E persecucion tabata estilo pelicula te ora cu pabou
di Citgo Paradera e chauffeur a drenta un caminda
di santo perde control pa despues pega den un rooi.
Polis a baha di biaha bay na e auto y detene e homber.
Durante e persecucion e auto di polis tambe a keda
gedal, pero tabata algo chikito e biaha aki unda spe-
cialista di trafico tambe a presenta na warda pa con-
trola y haci dato na e auto.