Page 26 - MIN VOS

AWEMainta Diaranson, 18 Januari 2017 17

Lotto ta yama bon bini
Lotto ta yama bon bini

na ing. Junior Tromp
na ing. Junior Tromp

Como Director di Facilidadnan Deportivo
Como Director di Facilidadnan Deportivo

STICHTING Fundacion Facilidadnan Deportivo a haya un
Director nobo den sr. ing. Junior Tromp. Dialuna ultimo tabata e
prome dia di trabou di ing. Junior Tromp y den presencia di Direc-
tor adhunto di FFD, sr. Hugo Mohammed y Presidente St. FLPD
y alabez Tesorero di St. FFD, sr. Di Stefano Wernet RA mesora a
cuminsa labora unda a haci un recorido y inspecciona e trabounan
di renobacion cu pronto lo inicia na e Centro Deportivo Frans Fi-
garoa na Noord.

Mester bisa cu e renobacion n’e compleho deportivo na Noord lo
bay ta uno grandi unda cu 4 poste di luz so lo bay keda den funcion,
mientras e dosnan mei-mei lo wordo kita.
Tambe e daknan di ambos tribuna lo wordo cambia y lo bin un
scoreboard completamente nobo y moderno.
Prome fase lo start pronto unda lo cuminsa traha riba e banda dre-
chi di e stadion. Lo traha tambe riba e tralie nan cu a bin for di e
tereno di futbol na Yara, mientras lo construi un muraya chikito pa
pone e tralie nan.

Ta bon pa menciona p’e aña aki tin mas proyecto di renobacion,
entre otro Compleho Deportivo Guillermo P. Trinidad.
Den e dianan siguiente lo haci un bishita di trabou na facilidadnan
deportivo di Jaburibari como tambe e tereno di futbol na Yara, ambos
ta cay bou maneho di F.F.D.

Na banda di Canadian Bank Note Limited, Canadian Bank Nota
Aruba NN, CMB, TeleAruba, Sportsubsidiecommissie, Land Aruba,
Minister di Deporte, e St. Fundacion Facilidadnan Deportivo tambe
ta un socio importante y strategico den e cadena di deporte pa St.
Fundacion Lotto Pa Deporte. Ta pesey tambe union ta haci forsa.

Lotto kier a desea sr. ing. Junior Tromp tur clase di exito den su fun-
cion nobo como Director di St. Fundacion Facilidadnan Deportivo.