Page 9 - DIMP

Den e cambionan cu a wordo haci 7 mil persona no ta paga belasting mas, cu den su
mayoria ta pensionado. A hisa e “belasting vrije voet” y esaki ta haci cu un grupo di
persona ta keda cay den e siete mil ciudadanonan cu no ta paga belasting.

E mandatario a bisa cu ta importante cu e aña cu ta tene na consideracion ta 2019.
Aworaki, tur hende sa, tin cobranzanan di e añanan prome y pa e grandinan tin un parti
cu boet ta wordo cobra pero e maneho cu el a pidi na Departamento di Impuesto, pa
traha riba dje, ta cu e pensionadonan ta haya un periodo mas largo pa nan cumpli cu

nan parti di belasting, pa asina purba di yuda den e situacion aki.

Den e cambio aki 25 mil persona ta paga un tarifa mas abao. Nan ta cambionan entre
80 cu 400 mil florin, cu ta un parti progresivo. Den e cambio aki tin un grupo di 600

persona cu a conoce un aumento, pero e schoudernan mas hancho ta carga un tiki
mas.

Pues tin un grupo cu no ta haya e beneficio aki, pero tin otro cosnan unda si nan ta

haya beneficio. E mandatario a indica cu esaki ta un ehercicio cu mester haci
conhuntamente den e situacion cu Aruba ta. Kizas algun hende ta bisa cu e alivio ta
chikito pero e beneficio tey pa pueblo.

https://www.diario.aw/2019/06/siete-mil-persona-no-ta-paga-belasting-mas/