Page 8 - DIMP
P. 8
ORANJESTAD (AAN) – Minister di Finanzas,
Economia y Cultura mr. Xiomara Ruiz Maduro, a haci un recuento di locual e ta yama e
beneficionan di gobierno pa pueblo di Aruba, dentro di e cuadro di e Reforma Fiscal.
E dignatario a subraya, den conferencia di prensa di gobierno Diahuebs, cu Aruba tin
hopi reto su dilanti, pero apesar di e crisis financiero e hende ta central, y gobierno a
bin pa, meymey di e situacion aki, yuda e pueblo.
El a bisa cu mester a haci un esfuerzo conhunto cu poco, poco por mira cu e ta
dunando su resultado pero gobierno no ta cla, e caminda largo cu hopi reto, pero tin cu
cane hunto.
Gobierno a purba, cu den e caminda aki, trece beneficionan pa pueblo pero hopi biaha
otro tipo di noticianan ta bin acerca y hendenan ta lubida riba e beneficionan cu tog nan
ta hayando den un situacion, cu ta hopi precario, pero apesar di esey gobierno ta
haciendo un esfuerzo grandi pa por brinda esakinan.
E mandatario a haci un presentacion unda el a mustra cinco sector den cual pueblo a
haya beneficio, dentro di e reforma fiscal manera gobierno a indica.
El a subraya cu desde 2007 Aruba mester a conoce un reforma fiscal pero a pasa 12
aña sin nada a wordo haci den e trayecto aki.
Cu e reforma fiscal aki, e dignatario a bolbe reitera, gobierno a trece un alivio pa loke
ta inkomstenbelasting y loonbelasting.
