Page 5 - DIMP

E sistema existente ta forma un impedimento den crecemento di nos economia y den
creaccion di oportunidadnan di trabaow pa nos Arubianonan. Ademas, mester tene na
cuenta un departamento di cobra impuesto cu no ta funciona optimalmente, y un
porcentahe basta halto di no-complimento pa cu obligacionan di impuesto, hopi biaha

pa falta di identifica y controla di esunan cu no ta cumpli.

Preocupacionan:

Na prome lugar, e costonan pa ciudadanonan y empresanan relaciona cu e cambionan
cu a worde introduci 1 di juli 2018 y 1 di januari 2019, cual tabata entre otro un
ahustacion den e leynan di BBO/BAZV/BAVP y un ahustacion den e grondbelasting,
probablemente a worde subestima pa gobierno.

E grondbelasting a trece un costo substancial pa propiedadnan comercial di 50%, pero
tambe e costonan relaciona cu e BBO/BAZV/BAVP cu no ta permiti pa aparece riba
recibo sino mester worde hinca den e prijs di productonan y servicionan ta pone un

peso adicional riba comercio.

E costonan di cambio den structura di prijs por a worde absorbi e prome biaha cu a bin
cu cambio, sinembargo, tin mas fase planea caminda e sistema di BBO/BAZV/BAVP por

worde cambia of hasta elimina por completo, cual lo resulta den 3 cambionan cu e
comerciante mestera realisa den un periodo di apenas dos aña.

Na di dos lugar, no tin claridad den e cambionan cu lo bin den e siguiente fasenan di e

reforma fiscal. E falta di claridad y comunicacion ta resulta den incertidumbre den nos
economia, y si tin algo cu por ta peligroso pa un economia, ta incertidumbre.
Incertidumbre ta crea un situacion caminda inversionan no ta worde haci, economia no
ta crece, competitividad ta bay atras y oportunidadnan pa empleo ta keda atras.

Terceramente, falta di un imagen completo di loke e fasenan di e reforma fiscal lo
ensera, ta implica cu cierto eficiencia lo no worde alcansa y cu cierto medida lo mester
worde modifica durante otro fasenan. Pa e motibo aki, ATIA lo recomenda pa integra

fase 2 te cu 4 den un reforma fiscal completo cu por worde implementa un of dos aña
despues cu e cuadro pa e reforma a worde finalisa. Esaki lo duna gobierno suficiente
tempo pa prepara e leynan y regulacionan necesario, y ademas suficiente tempo pa
comunica e cambionan y e impacto na un forma adecuado na pueblo di Aruba.