Page 8 - AWEMAINTA

8 AWEMainta Diabierna, 16 augustus 2019

Scol no a habri cu bon pia cu varios edificio ainda no ta cla

DIAHUEBS, 15 di augustus ta e fecha oficial pa apertura di aña
escolar nobo. Un fecha cu ta conoci for di aña pasa caba. Asina mes,

Gobierno no a logra cumpli cu diferente scol cu mester a wordo dre-

cha pa ricibi e alumnonan.

Apenas dos dia prome cu scol a habri, e mandatario den un con-
ferencia di prensa a dicidi di anuncia cu tin varios scol cu no por

habri nan porta, no pa culpa di Gobierno sino di esnan cu mester

haci e trabou y e edificio deteriora cu Gobierno a laga atras den
enseñansa. Esaki ta e motibonan cu el a duna pa cual varios scol ta

cuminsa te otro siman.

Asina tin scolnan manera: Beatrix School (Dakota); Tin scol Dorna

Sol na Burubundu; e kleuterschoolnan Pieter Boer y Fontein na
Fontein no ta cla; Colegio San Nicolas, tin tres lokaal cu no ta cla;

dependance na Centro Bario Dakota, pa HAVO, tampoco ta cla;

Colegio San Hose na Sta Cruz ta otro cu no por a habri su portanan
diahuebs; SPO na Sta Cruz; Emmaschool bieu, etc.

Pero asina tambe tin problema na MDC (Centro Multidisciplinario)
y Traimerdia, unda e trahadonan no a haya ningun confirmacion

di kico ta bay pasa e aña’ki.
Hecho ta cu e Minister encarga cu Enseñansa, siendo un docente,

a demostra cu un maestro no semper por resulta den un bon Min-

ister di Enseñansa. E maneho di e Ministerio aki ta algo completa-
mente otro cu duna les.