Page 20 - AWEMAINTA

20 AWEMainta Dialuna, 13 Mei 2019

Accidente serio na Cura Cabay diabierna anochi

Un chauffeur deteni y un a keda pega den auto

DIABIERNA anochi Polis y ambu-

lance a ser manda cu urgencia dilanti ex

cas di Wilfred Ho Sing Loy, pa un acci-
dente di auto serio.

Informacionnan na prome instante a pa-
pia cu lo tin 3 auto envolvi. Berdad ta-

batin 3 auto envolvi, solamente cu 1 di

nan un Hyundai Accent tabata staciona
dilanti e cas.

Segun testigonan, e pick up tabata
bayendo direccion San Nicolas cu ve-

locidad halto, y parse cu un poco

mas pabou den area di Cura Cabay
Store e lo a dal of hera dal un auto.

Di e manera eynana el a sigui pasa auto,
y ta topa cu e Hyundai Accent bayendo

direccion Savaneta.

Esaki a causa un impacto duro ora nan
a dal frontal. Durante cu e autonan a

zwaai e Hyundai Accent a bay dal un
otro Hyundai Accent staciona dilanti e

ex cas di Ho Sing Loy.

Materiaalwagen di Brandweer mester a

sali di post Sabana Berde direccion Cura

Cabay, pa libera e chauffeur cu a keda
pega.

Bomberonan a traha basta liher y a sa di

saca e chauffeur den un tempo cortico.
Mientrastanto Polis a detene e chauffer

di e pick up, sospecha di tabata coriendo
auto bou influencia. El a wordo poni den

boei y prome cu nan a hibe Warda di Po-

lis pa test a laga Paramediconan controle,
debi cu tabata trata di un impacto duro.

Na warda e lo mester bay pasa test riba e

machine grandi, y asina Polis lo haya sa

cuanto alcohol el a bebe.
Chauffeur di e Accent a wordo saca di e

auto y poni den Ambulance, unda nan a

sali despues cune pa Hospital.