Page 22 - AWEMAINTA

22 AWEMainta Dialuna, 13 Mei 2019

Colegio Conrado Coronel t’e skol

ganador di Hofi Amistad 2019

DIABIERNA tabata un dia sumamente spe-

cial pa Sector Primario y Enseñana di Aruba. Di
un manera sorpresivo Ministernan Chris Romero

y Rudy Lampe, hunto cu un delegacion di Santa
Rosa/DLVV, a yega na Colegio Conrado Coronel

pa oficialmente anuncia cu e skol aki t’e ganador

di Santa Rosa su prome Hofi Amistad.
Cu e pensamento di inculca den nos muchanan

e cultura di plantamento for di edad tempran,
Departamento di Agricultura, Cria y Pesca/Santa

Rosa, a bin cu e iniciativa di e proyecto Hofi Amis-

tad.

Hofi Amistad ta un proyecto caminda Santa Rosa

ta incentiva e skolnan basico na Aruba pa ta mas
activo den plantamento, cu e meta pa ta mas auto-

suficiente ora ta trata cuminda.

Tur skol basico a wordo invita pa participa den
e proyecto Hofi Amistad, y pa cu esaki cada scol

mester a manda un opstel indicando con nan ta
imagina e hofi di nan skol.

E opstel ganador di e aña aki tabata esun di 4de

klassen di Colegio Conrado Coronel.

Santa Rosa lo guia y yuda den e creacion di Colegio
Conrado Coronel su Hofi Amistad. Esaki lo tuma

lugar na cuminsamento di aña escolar 2019/2020.

“E ta mi deseo pa aki 1 aña nos por mira e fru-
tonan di e cosecha di boso Hofi Amistad”, tabata

palabranan di Minister Chris Romero na ocasion

di premiacion di Hofi Amistad.

Minister Romero a felicita e alumnonan di e 4de

klassen di Colegio Conrado Coronel cu a hinca un
opstel asina bunita y inovativo den otro.

“Boso ta un ehempel pa alumnonan di otro skol-
nan sigui. Mi gradicimento n’e cabesante y docen-

tenan di Colegio Conrado Coronel p’e entusiasmo

cu a brinda pa cu e proyecto Hofi Amistad”, Min-
ister Chris Romero a finalisa bisando.