Page 21 - AWEMAINTA

Dialuna, 13 Mei 2019 AWEMainta 21

Accidente na

Tanki Flip

DIABIERNA mainta Polis di Trafico y

tambe companianan di seguro a bay un

dalmento na Tanki Flip. Esaki a sosode
panort di e rotonde. Tabata trata di 2 vehi-

culo.

Causa di e dalmento tabata momento cu e

chauffeur di un Mitsubishi Montero a bay
haci un U-Turn.

Posiblemente e no a pone atencion y ta dal
un Nissan March, lagando bastante daño

material atras. Loke tabata mas importante

cu ningun persona a resulta herida.

Dalmento di

cadena diabierna

atardi na Ponton

DIABIERNA atardi Polis y ambulance a

bay Ponton, un poco mas panort di WEMA

unda un accidente den cadena (kettingbots-
ing) a sosode.

Na yegada Polis a topa cu e vehiculonan.

Esun mas dilanti tabata un Mazda SUV, e di

dos tabata un Hyundai i10 y e ultimo tabata
un Mini Cooper.

E Mazda pa un of otro motibo a sera brake,
y esnan patras no a pone atencion y ta causa

e dalmento den cadena.

Durante e impacto esnan den e vehiculonan
lo a sinti nan nek y tabata sinti un poco dolor.

Y tabata p’e motibo aki cu a pidi asistencia di
Paramediconan pa controla e ocupantenan.

Segun nos a compronde, nada di gravedad.