Page 90 - AVP

SIMAR A Reuni Cu Minister Lampe Pa Clarifica Carta

Manda Na Directivanan Di Skol – Dicon Minister Rudy

Lampe No A Reuni Prome Cu SIMAR Y Asina Hopi

Punto Lo A Keda Clarifica

 Local
- 30/07/2019

Diamars, durante un conferencia di prensa, Presidente di SIMAR, Josephine Martilia-
Albertus, a trece un claridad riba e carta cu Minister di Enseñansa, Armando Rudy
Lampe, a manda recientemente. Diabierna, dia 26 di juli, e carta cu e Minister a manda
dia 22 di juli, p’e directivanan di skol, a wordo manda p’e miembronan di SIMAR, p’e
directiva di e sindicato ya menciona.

A base di informacionnan ricibi, SIMAR a tuma contacto cu e Minister. Asina a haya un
cita pa dialuna merdia mes, pa por a dialoga cu e Minister riba e carta cu a haya, pasobra
kier a haya mas claridad

SIMAR a salvaguardia derecho di su miembro y docentenan di Aruba y a bisa cu kier
papia cu e Minister pa haya claridad. Den e carta ta menciona cinco diferente topico. Si
mira e prome topico, ta papia di lesuren, unda ta indica cu ta subsidia un skol placa pa su
docentenan, pero ta depende e cantidad di alumnonan cu tin.

Si wak na un reguliere basis y voortgezet onderwijs, pa cada 28 alumno, e skol ta haya
subsidio pa por paga un docente. Si mira na un reguliere kleuterschool, pa cada 24
alumno, skol ta haya subsidio pa paga un docente. Den practica sa cu e no ta asina.

Ora cu a bay puntra y palabra cu e Minister, el a splica cu den ley di Aruba ta stipula cu
pa cada 30 mucha, tin cu haya un subsidio, pero dor cu den practica ta mustra cu no
t’asina, e ta mucho hopi, a bah’e pa 28. Esey tabata e prome parti, segun Martilia-
Albertus.