Page 4 - bon-dia-aruba-20190921

A4 LOCAL
Diasabra 21 september 2019
Awasero fuerte a causa destruccion

Situacion di hospital birando mas complica dia pa dia

ORANJESTAD – Ayera den oranan di marduga, pa via
di fuerte awasero y di un tubo cu a kibra, hospital Hora-
cio Oduber su parti nobo y tambe edificio bieu a keda
yen di awa. Pa motibo di e situacion aki, Gina Madu-
ro, presidente di sindicato ABV a duna un declaracion
hunto cu minister di Salubridad, Dangui Oduber y Ez-
zard Cillie, director di Cuido di Pashent y miembro di
hunta directiva.

Ademas nan a tene un reunion pa mira kico nan por haci pa
mehora e situacion.

Maduro a splica cu durante e incidente di e tubo cu a kibra,
algun empleado como management a bay yuda y asina tambe
nan a yama un compania externo pa haci e luga limpi y asina
por sigui duna servicio. Tocante e dañonan cu esaki a causa,
el a bisa cu ta e daño ta material cu a keda destrui, entre esaki
algun computer den area di oficina.

Di loke ta trata e departamento di recepcion y validacion cu ta
na edificio bieu, Maduro a bisa cu e area a keda afecta cu caida
di plafon y coriente a bay pa via di yobida. Maduro tambe a
reitera cu esaki ta un problema structural.

Minister Dangui Oduber, despues di a haci un recorido den
e areanan afecta, a declara cu nan tin tempo cu e preocu-
pacion tocante e proceso di construccion den hospital, con
esaki a wordo encamina. Tempo cu tabatin tres compania di
construccion grandi cu tabata encarga di e proyecto cu tabata
sucursal di Arellano, cu ta un compania chikito di Merca, Bal-
last Nedam di Hulanda y tambe tabatin un compania Frances,
Bouyigues cu tabatin miho prijs, pero finalmente nan hunto
cu SOGA a scoge Arellano.

Di mesun manera, Oduber a splica kico lo ta e consecuenci-
anan cu un proyecto asina grandi pa expande e hospital, ar-
gumentando cu e decision tuma no tabata e miho decision di
gobierno. Esaki pa motibo cu tin cu paga mas placa, ademas di
a duna e proyecto na un compania cu no tin experiencia y cu
no a traha ningun hospital.

Tambe Oduber a bisa cu e proyecto aki no ta di esunnan miho
cu a construi, cu tur cos cu por a bay robes, a bay robes y e
boiler cu ta wordo instala paden di hospital, rond mundo esey
tin cu ta ubica pafo di hospital.
Pa loke ta trata e yobida, Oduber a destaca cu esaki no tabata
un tormenta tropical ni nada parecido. Tabata trata di un yo-
bida di algun oranan y e plafon ya caba a bin abou. E tubo
di awa tambe a kibra y a ocasiona consecuencianan cu sigur
e aparatonan cu tabatin aden, manera computer y printing,
ningun di nan por wordo uza mas.
Di su parti, Ezzard Cillie, director di Cuido di Pashent a bisa
cu durante e reunion cu a tuma luga cu Oduber, Maduro di
ABV y otro personal, el a expresa cu e tin cu informa minister
di e incidente aki, cu un biaha mas a causa masha hopi daño,
y tambe a stroba e cuido di pashent.

“Pa mi esaki ta basta, mi no hay’e normal mas” Cillie a sigura.
Asina mes a pidi minister pa scucha nan y pone un paro den
e situacion aki. Ademas, el a señala cu ‘mi no por carga e re-
sponsabilidad ey mas, pasobra mi no tin influencia riba locual
ta sosode den hospital’.

Cillie a comenta cu ayera el a haci entrega di un peticion for-
mal di su parti, pero tambe a bisa cu el a duna e mensahe caba.