Page 23 - MIN ON 11 APRIL 2017
P. 23
Universidad ta wak oportunidad pa
brinda conocemento y estimulo
empresarial
April 8, 2017
77
ORANJESTAD(AAN): Rector di Universidad di Aruba, Sr. Glenn Thode ta entre esnan
cu ta wak un oportunidad hopi interesante cu yegada di Qredits na Aruba. Den
combersacion cu Hans Biesheuvel, Thode ta mira cu na nivel academico tambe tin un
potencial pa nos isla. Pesey a presencia e lansamento di Qredits na Aruba diamars
anochi na MFA Noord den presencia di Minister President Mike Eman, Minister di
Asuntonan Economico, Richard Arends, ademas di representantenan di Qredits y
gremionan comercial local.
“Un di e desaroyonan cu ta necesario den e formula aki ta pa identifica den
hende e pasion pa nan bira empresario. Esey kier men cu bo mester sinti den
bo mes cu bo kier tuma e riesgo y iniciativa pa participa den un actividad
economico. Con bo ta identifica cu e idea cu bo tin en berdad ta algo pa haci
comercio cune,” Thode a splica. Aki ta caminda Universidad di Aruba por hunga
un papel importante.
Na Hulanda, esaki ta ya caba un practica comun. Den educacion basico,
intermedio y superior, e programa di estudio ta inclui aspectonan di
‘entrepreneurship’. E combersacion entre Thode y Biesheuvel, kende ta forma
parti di e supervision di Qredits y ta fundador di Ondernemend Nederland, a
continua durante e ceremonia pa haya sa mas y intercambia idea cu por hiba na
stapnan mas concreto den futuro cercano.
