Page 27 - MIN ON 11 APRIL 2017
P. 27
Un otro aspecto importante cu a añadi na e proceso di admision y
specificamente pa cu e toets ta e posibilidad pa un alumno haci e toets na un
otro ocasion den caso di enfermedad. Asina cu e resultadonan di e toets ta
conoci esaki hunto cu e conseho di e scol basico y cifranan di rapport di klas 5 y
klas 6 di scol basico lo determina e admision di alumno na ciclo basico di
HAVO/VWO.
Minister Michelle Hooyboer-Winklaar ta convenci cu e cambionan aki tabata
necesario pa asina yega na un Sistema di admision mas husto y transparente. E
titular di enseñansa ta indica cu e ta kere den un acercamento mas holistico di
desaroyo di alumnonan y reconocemento di capacidad y potencial. Minister di
Enseñansa ta desea tur e alumnonan cu a participa na e Colegio toets hopi
exito. Hunto cu alumnonan y mayornan nos ta ansioso pa e resultado positivo di
nos muchanan, e titular di enseñansa a conclui.
Otro edificio ta keda rescata pa enseñansa y tambe pa historia di
Aruba
Ministernan ta inspecciona
trabounan di renobacion y
restauracion di Rosa College
April 6, 2017
96
