Page 27 - AVP

Lampe: Magaly Brito su unico meta ta:

benta gobierno abou

Posted on 07/4/2019 11:01 am AST | Updated on 07/4/2019 11:06 am AST

ORANJESTAD – E unico intencion di sindicato SEPPA y su lider Magaly Brito, ta
pa benta gobierno (Gabinete Wever Croes) abou. Asina e mandatario di enseñansa
Rudy Lampe a bisa diahuebs mainta como reaccion riba e accion di docente di
diaranson, un dia prome. El a sigura di tin informacion cu e dirigentenan di e
accion, lo a reuni na cede di AVP, y cu e meta ta pa stroba RED di goberna, y no ta
importa ki cartera tin. Pues segun Lampe, e asunto no ta enseñansa sino
simplemente e cartera cu RED tin. Segun Lampe, e gruponan aki (entre nan Magaly
Brito di SEPPA) lo a palabra despues di eleccion cu e meta principal ta pa ataca
RED. E asunto aki lo mester tabata instrumental segun e grupo, pa benta e gobierno
abou.

MANDA MINISTER CAS

E hech cu Brito a pidi pa manda minister cas, ta mustra cu aki n tin nada otro cu un meta
politico pues cu e accion di ayera (diaranson) tabata uno puro politico. Y cu algo asina,
cu un sindicato ta pidi retiro di un minister, ta puramente politico.