Page 29 - AVP

Lider Di AVP, Mr. Mike Eman: SDG 1 Ta Haci

Compromiso Pa “No Poverty” Y Na Aruba Poverty Ta

Bati Na Porta !

 Politica
- 04/07/2019

AVP preparando plan nobo pa futuro !

“Un di e metanan principal cu mundo a pone su dilanti pa e siguiente añanan ta pa
combati pobresa. E ta SDG # 1: No poverty” y na Aruba lamentablemente nos lo no por
raporta positivamente riba e avance di e meta aki e ultimo dos añanan”, e lider di AVP,
mr. Mike Eman a expresa awe.

Mr. Mike Eman a haci esaki durante un Conferencia di Prensa hunto cu dr. mr.
Rycond Santos do Nascimento, Presidente di Fundacion Digna Lacle Herrera caminda
nan a anuncia e desaroyo di un Plan Aruba nobo di AVP. E marco di guia y referencia di
plan nobo aki lo ta e 17 Sustainable Development Goals (SDGs) cu a worde adopta na
United Nations. Dia 22 y 23 di juni Partido AVP hunto cu su fundacion y expertonan
local y internacional den un “retreat” special a inicia e dialogo y reflexion riba Plan
Aruba nobo y e asercamento holistico aki mr. Eman a splica.

Ex Promer Minister Mike Eman mes a hiba palabra na United Nations den nomber di
Reino na momento cu a planta e compromiso di e 17 metanan importante pa alcansa un
miho calidad di bida pa humanida y durabilidad sano di nos planeta y su naturalesa.
Eman a splica cu den pasado su gobierno a enfoca hopi riba cera e diferencia cu tabata tin