Page 5 - KPA

Algo pasa di 6:45 PM e patruya di Noord y di trafico a ser manda na e mall of Parkinglot di Paseo
Herencia. Aki un auto a accidenta y a causa daño na cuater otro auto staciona. Na yegada di e patruyanan
a bin haya cuater auto cu basta daño riba nan.

Ora polis a bay chek kiko a pasa, nan a avisa polis cu tin un auto a dal e muraya for di tres piso di e
Parkeer Plaats di Paseo y e muraya di bloki a bin abou y a haci daño na varios otro auto. Polisnan a bay
na e di tres piso di e parkeer plaats y a bin topa un BMW color cora numera V-1559 y e dama manehador
di e auto sinta abou. Ora polis a bay chek cu e dama, el a conta polis cu el a caba di yega na e gym na e di
tres piso di Paseo Herencia y a para na e parkeer vak. Pa un motibo of otro enbes cu el a primi e brake el
a primi e trottle di e auto y e auto a bay dal den e muraya di bloki. E destruccion na e muraya a causa cu
blokinan a bin abou y cay causa danjo na diferente otro vehiculo sea den parkinglot na pisonan mas abou
of para riba vloer full abou banda di Palm Beach Plaza. E dama tabata den susto pasobra si e no a
reacciona na tempo e BMW tambe lo a bin abou y lo tabbata un desgracia mas grandi. Polisnan a handle
cu e dama y a splike cu el a hinka su mes den un debe basta grandi y pa next time paga bon tino. Danjo
material na e otro cuater autonan ta grandi. Tambe e muraya di e parkinglot mester wordo drecha pa
evita peliger.