Page 7 - KPA
P. 7
Awe Hues ta dicidi den caso di DJ sospecha di a abusa di un
menor di edad
Publication: Thursday, 30 March 2017. Categoria: Judicial
ORANJESTAD (AAN) – Awe mainta Hues di Corte den Promer Instancia ta dicidi riba e castigo exigi pa Fiscal pa e
homber J., un conocido DJ, cu ta wordo sospecha di a abusa di un menor di edad.
Tratamento di e caso a tuma lugar dia 9 di Maart 2017, caminda Fiscal ta acusa J. cu den e periodo di 2 y 18 di
October 2016, el a abusa di un mucha muher menor di edad.
Fiscal a bisa cu e ta haya legalmente proba cu J. a abusa di e mucha muher. El a condena e hecho cu J. a abusa di e
mucha y a exigi 18 luna di prison di cual 6 luna ta condicional cu un tempo di prueba di 2 aña.
Hues despues di a scucha e defensa di abogado a bisa cu e ta sera tratamento di e caso y cu dia 30 di Maart 2017
esta awe mainta tin sentencia.
DIARIO lo informa lectornan kico ta e decision di Hues.
