Page 13 - BNDIA ARUBA

a13
riba caya Diamars 5 Februari 2019

Candela feroz a destrui

Amuse restaurant

ORANJESTAD - Diadomingo pasa di 11:30 di ano-
chi, alarma a keda bati pa e restaurant Amuse situa na
Bucutiweg, unda e tabata completamente na candela.

Patruya di Santa Cruz a yega basta lihe y ta topa cu candela
basta grandi, unda e vlamnan a destrui e restaurant comple-
tamente. Unidadnan di brandweer a yega basta lihe pa asina
drenta accion y combati e candela di biaha. Maske cu e cande-
la feroz a kima tur cos, pero e palonan y demas cosnan tabata
na candela, debi cu e tabata asina grandi, te hasta un boto mara
na pier di e luga a kima completo.
Hendenan a subi boto y bay direccion di e luga y cu hemchi
a pasa man pa awa di lama y paga e boto na candela. Pasa di
1or di marduga, bomberonan tabata tin e candela domina por
completo.

Morto di cacho ta resulta den aresto

ORANJESTAD – Ayera den oranan di mainta, patruya
a wordo manda na Tanki Leenderta pa un problema
entre bisiñanan.

Segun un relato di 24ora.com, tabatin un cacho riba caya, y
un auto accidentalmente a pasa riba e cacho, matando esaki.
Ora cu e doño di e cacho a mira esaki, el a acerca e chauffeur
femenino, habri e porta y dal e persona. Mirando cu e doño di
e cacho a agredi un persona, polis a bay over na un detencion.

Durante investigacion di polis a Sali na cla cu e cacho no ta-
batin un banchi bisti. Mientras tanto, e esposa di e doño di e
cacho tabata yora perdida di su mascota stima.

Segun 24ora, e victima mester a bay Eerste Hulp pa tratamen-
to, y cu e rapport medico e lo mester bay entrega denuncia
di e agresion. E doño di e cacho a keda hiba warda pa mas
investigacion.