Page 19 - ARUBA BANK

A surpasa un miyon item cu mester wordo cambia djis pa cambia e labelnan, stickers, y
pega labelnan y stickers nobo ariba dje. Anto e negoshi mester a cumpra mashin di
print pasobra nan no ta bin cla. Normalmente e producto ta drenta na caha y na caha
ta pone e label y pone den shelf.

Awor tin cu cambia tur cos cu tin den e negoshi, locual ta costoso. Ademas di e pago di
overtime y tur esaki ta bay den prijs, Croes a señala.

Tur e gastonan extra ey e negoshinan tin cu recuper’e pasobra sino e negoshi ta
cera. “Gobierno, ora e tuma un medida, cu ta cost’e hopi of un proyecto cu sali
demasiado caro, par di miyones, bo tin un deficit bo ta fia placa y tur hende ta fia
gobierno. Of bo ta tuma medida. Hopi simpel”, a remarca.

Comercio, si no por hacie di un manera eficiente, e competencia ta haci cu e negoshi ta
cera. Competencia di afo ta haci cu bo negoshi tin cu cera pasobra impuesto local ta
mucho caro y hende ta stop di cumpra cerca bo.

“Cera kiermen perde bo trabao, e trahadornan y por ta perde bo cas cu bo a pone como
borg. Esey ta loke nos ta perde como comerciante”, a agrega.

Randall Croes a sigui bisa cu pesey nan ta asina motiva pa sinta cu gobierno pa ora cu
tuma medida, proteha comercio y e trahadornan, y pa e clientenan haya un bon prijs.

“Kita BBO for di e prijs no ta produci gobierno ningun florin extra. Pa nos e ta costa

cientos di miles di florin. E prijs a subi pa henter e pueblo pa administracion mas caro y
gobierno por ta, ta haya menos”, a indica.

Winstbelasting ta bay wordo afecta pa e gasto mas halto. Pakico kit’e? Pesey ainda KvK

ta pidi gobierno pa considera pasobra pa comercio ta un solucion practico y barata pa
produci e placa pa caha di gobierno, lagando e tax ariba e recibo.

Un idea a surgi ultimo momento. Gobierno ta dicidi kico ta bay cobra gobierno ariba

dje. Por ehempel, bo zuiverinkomen di inkomstenbelasting, gobierno ta dicidi si pone
interes di debe personal ariba dje si of no.