Page 21 - ARUBA BANK

Lider Di AVP Mr. Mike Eman – AVP Ta Tene Lectura

Riba Preocupacion Cu Aumento Di Tarifa Di

Grondbelasting

 Politica
- 27/05/2019

Sin un dialogo of cualkier forma di consulta Gobierno a impone un tarifa nobo pa
Grondbelasting. Den e dianan aki centenares di ciudadano y empresanan a worde
confronta cu un “aanslag” cu a aumenta dramaticamente y pa hopi e cambio inespera aki
ta causa un problema financiero grave. Esaki no ta manera pa atende cu nos
conciudadanonan, lider di AVP, mr. Mike Eman a expresa.

Tambe Eman a bisa cu Partido AVP a consulta cu diferente consehero fiscal cu a duna di
conoce cu na nan opinion e aplicacion di tarifa nobo aki ta enpugna cu ley.

Locual nan ta splica ta cu Landsverordening Grondbelasting ta traha cu un ciclo di 5 aña.
E balor di bo propiedad ta worde calcula p’e cinco añanan ey.

Riba e balor aki e percentahe di Grondbelasting ta worde calcula. Normalmente e balor ta
keda vigente pa 5 aña.