Page 22 - ARUBA BANK

Den caso di un expansion of renobacion di e propiedad dentro di e cinco aña e impuesto
por worde aumenta, pasobra e balor a subi.

Locual si no por segun e expertonan ta cu Gobierno dentro di e 5 añanan ey ta aumenta e
tarifa. Segun e fiscalistanan e ley no ta permiti esaki y p’e motibo ey nan ta conseha nan
clientenan pa bay den bezwaar contra di e aanslagenan aki.

E lider di AVP, mr. Mike Eman ta bisa cu hopi ciudadano no por paga un fiscalista pa
busca nan derecho. P’e motibo ey AVP lo organisa un anochi di lectura cu presentacion
di expertonan riba e tema aki na cual tur intresado por acudi.

E anochi aki ta tuma lugar dialuna 3 di juni pa 7’or di anochi na Cas di Partido.

E cambio di Grondbelasting ta forma parti di e asina yama “Reforma Fiscal” cu Gobierno
a bisa cu lo combini pueblo, pero tur dia consumidornan ta sinti nan mes mas strangula
financieramente a consecuencia di e medidanan den e pakete di Reforma Fiscal.

E forma tambe di impone esaki sin un dialogo y falta di transparencia ta haci cu no
unicamente e medidanan aki ta causando un perdida grandi den poder di compra, pero ta
creando un inseguridad grandi tambe serca ciudadano y inversionistanan locual ta
reflehando tambe den e pesimismo cu tin pa cu futuro di Aruba.

Tur esaki ta keda evidente tambe den e Consumer Survey di Banco Central cu mr. Mike
Eman a analisa recientemente.

Pa sostene nos comunidad den e incertidumbre aki y haya mas informacion con henter e
asunto aki ta hinca den otro y kico t’e caminda cu e ciudadano tin pa cana ta locual AVP
lo dedica un lectura na dje riba dje dialuna 3 di juni pa cuminsando pa 7’or na Cas di
Partido. Ta importante pa nos ciudadanaonan ta informa di nan derecho y si e
argumentonan cu e expertonan fiscal presenta ta locual nos por para su tras tambe nos lo
asisti nos ciudadanonan pa bay den bezwaar contra di e aanslagen cu lo ta enpugna cu
ley, e lider di AVP, mr. Mike Eman a expresa.