Page 10 - KPA

Atraco cometi riba un señora na Primavera

Published on January 16, 2017 in Policial/SPLASH

ORANJESTAD, Aruba

Den careda di 12 or di anochi a tuma luga un atraco na Primavera cerca di FAVI. Un señora cu a caba di
traha tabata cana pa bay su cas a haya su mes confronta cu un Tercel blanco cu a bin den su direccion y
a punta un arma color zilver den su direccion y a pidi e señora pa dune su tas. E muhe a spanta y a bisa
nan cu no por duna e tas paso e tin su cosnan di trabao y si ta placa boso kier esey so mi por duna, asina
e atracadonan a bay acuerdo pa tuma e placa y a bandona e sitio den un tercel blanco estilo bieu. Atraco
Team a yega na e sitio y a tuma e declaracion di e victima.

Segun e dama ta trata di dos persona hoben cu ta papia un bon Spaño. Polis a sigui patruya y diripiente a
mira e tercel aki y e persecucion a cuminsa, tambe tabatin patruya nan di St Cruz cu a sali pa asina asisti
e otro patruya pa yega na un manera pa para e tercel aki. Sinembargo e tercel a yega na e crusada di
Cumana y a tuma e direccion pa bay Hooyberg , pero loke nan no tabata corda ta cu e caminda ta bao di
construccion y cu e ta cera , asina nan a pega e tercel den e boshi santo y a sali for di e auto y core bay.
For di e dos atracadonan polis a logra gara uno y e otro a drenta mondi. Polisnan a keda rondia den
bisindario pero no a logra haya e otro atracado. Transportwagen a yega na e sitio y asina transporta un
di e atracadonan pa warda di St Cruz.