Page 6 - KPA

Atracador arma a bay “di acuerdo” cu señora pa

solamente bay cu placa y laga su tas

5 hours ago 0 404 Views

Morgenster/Primavera – Diadomingo anochi den careda di 11:45 polis ta haya melding di un
atraco arma cu a tuma luga ariba un señora.
Na prome instante informacion tawata poco confuso, a pensa cu ta den Wayaca e atraco a tuma
luga.
Algun rato despues, patruya cu tawata bayendo e sitio a logra topa e señora na e gasoline station
na Wayaca.
E señora a cuminsa conta e agentenan unda e exactamente e atraco a tuma luga.
BUS A BAHA BAHA SEÑORA

Polis a bay cu e señora na unda e bus a bahe despues cu ela caba di traha.
Esaki tawata na crusada di Morgenster parti pa zuid.
Eynan canando pa bay su cas, dado momento un auto Toyota Tercel color blanco ta para y un
homber cu ta papia spaño a baha.
Bisti cu un jacket cu capshon e homber ta saca un arma di candela, segun e señora color silver.
E señora ta pidi e atracador pa no bay cu su tas paso e lo tin cos personal y di trabou den dje,
pero si e kier e ta haya placa.
E atracador a bay di acuerdo cu e proposicion di e señora y ela subi auto y move, tawata trata di
dos persona.
Polis a keda na e sitio warda atraco team, caminda na su yegada ela tuma datos di e señora.
Patruya a bay baha e señora na su cas.
Un caso lamentabel, caminda cu e señora lo a por a te hasta perde su bida, si e atracador a los un
tiro. Caminda cu e atraco a sosode ta un area basta scur y lo por tawata dificil pa a haya sa kiko a
pasa, mirando cu tawata laat caba y caya tawata practicamente bashi.