Page 9 - KPA

Autoridad dunando mas antencion na abuso di

animalnan

16 hours ago 0 183 Views
Diasabra un polis atento a subri riba Facebook, riba e facebook page di Animal Abuse Report
Aruba y a mira varios potret horibel y tristo di abuso di bestia cu ta pasando riba nos isla.
Na un cas na Balashi nan a mira cu tin un cacho cera den un haula traha di betonmat, e haula no
tabata tin dak y no tabata tin niun caminda cu e cacho por a sconde pa awa of pa solo.
Mesora un patruya a bay na e cas y na e sitio a papia cu un dama y cu enberdad a declara cu
algun dia pasa un dama di dierenbescherming a pasa na e cas y nan a papia caba tocante e cacho.
Segun e dama na e sitio, ta e cacho a kibra cadena y e mester a hinka e cacho den e haula pa
warda te ora su yiu yega pa mare bek.
Polis a hala su atencion y a bise cu e cacho mester ta un caminda cu ni solo of awa lo por muh’e,
e dama a compronde y a keda di pone su yiu na altura di esaki.
Chef di Polis a wordo poni na altura y e caso aki lo haya atencion.
Pueblo di Aruba, ban yuda proteha y defende tur animal indefenso, si bo mira cualke abuso di
bestia tumando lugar, djes tuma un rato y raporta esaki riba e Facebook Page cu adres of yama
polis, pa asina Polis por sali na defensa di e animalnan cu no por defende y ni proteha nan mes.
Avisa polis semper ora wak abuso di besti.

Robo na Ton Li supermarkt na Weg Seroe Preto

16 hours ago 0 72 Views
Weg Seroe Preto – Diadomingo mainta trempan polis ta bay Ton Li supermarkt na Weg Seroe Preto pa
un atraco.
Na yegada un señora di edad ta conta polis cu un homber cara tapa a drenta y ataca e, pero no a usa
ningun arma, ta pensa kizas door cu e señora ta hende di edad.
E persona a bay directamente pa e cash register y di eynan sali bay. Polis a core rond tira bista pero sin
resultado.
Recherche a ser pidi na e supermarket.