Page 109 - KPA

te asina leu nada a wordo kibra. Riba vloer banda di e porta for di unda e sospechoso a sali, tabata tin un
schroevedraaier y un sker. V. tambe a declara cu dia 3 di Januari ultimo, el a haya falta di un cilinder di
gas. Pero no a duna keho riba esaki. Patruya di Noord a papia tambe cu e bisiÒa, kende a filma e
sospechoso for di su cas cu su telefon celular y a mustra polis. Nan a mira cu en berdad e sospechoso
tabata tin un camisa blauw bisti, bisti cu un jeans cortico y tabata riba e tereno di sra. V. ta cana bay cu e
maleta y saco den man. Tambe polis por a scucha ora cu sra. V. tabata grita ìhey heyî, pero e sospechoso
a keda cana bay. Tambe polis a papia cu un otro testigo cu ta biba cerca den e direccion cu e sospechoso a
cana. E habitante a declara na polis cu e no a mira nada y no sa di nada. Ora cu patruya a mustr'e e video,
el a reconoce mesora e causante. E homber ta conoci pe como A.D. Bida den Gielstraat. E number e no
sa. El a reconoce e homber bon pasobra D. sa haci su tereno limpi de bes en cuando y ta pag'e pa esey. Ta
ora cu e testigo a sigui declara cu D. a bin cun'e cu un cilinder di gas y kier a bend'e pa cinco florin. El a
sigui bisa cu e no a haya sa di e caso. Patruya a controla tur cos riba e tereno y e cas. Tur e cambernan
tabata reboltia. Patruya a tuma keho di e ladronicia y un proces verbaal a wordo traha.

Homber a purba di tira un otro den Otaheitistraat

SAN NICOLAS ñ Diahuebs, pa mas of menos 11'or y 5 di anochi, a yama na warda e homber H., kende a
declara telefonicamente cu un rato prome den cercania di Community Pool den Otaheitistraat e tabata
canando cu su bicicleta ora cu diripente el a wordo acerca pa un Toyota Tercel color berde cu glas getint.
H. a declara cu e homber conoci como AB, ruman di e conocido DB, a sali for di e auto. AB a pone un
revolver caliber 38 contra su cabes, a trek na e trekker di e arma, pero e no a tira. Segun H. e sospechoso
a tene e loop di e arma den su mannan. El a declara cu el a bringa cu AB, caminda cu AB a logra los.
Segun e victima AB a drenta bek den e auto hunto cu e conocido EK y DB. Nan a core bay direccion
pariba. Durante su huida AB a logra tira den su direccion, pero no a logra alcans'e. H. a bin na warda di
polis y a duna keho. Comandante na warda a wordo poni na altura. Patruya a listra den henter e
vecindario den centro, Sero Bentanaweg, Sero Largoweg, De Vuyst, Village, Weg Rooi Hundo, Rooiweg y
Cayenastraat. A controla pa dicho auto, pero sin resultado.