Page 110 - KPA

Noticia di polis 13 Januari 2017

Sunday, 15 January 2017 20:28
Comparti

Situacion sospechoso na McDonald's

PALM BEACH - Diabierna, pa mas of menos 1'or y 47 di marduga, Central ta dirigi patruya di Noord na
McDonald's Palm Beach den cuadro di un situacion sospechoso.

E manager di e localidad a declara cu el a cera e luga y a bay na su auto. E tabata hunto cu dos trahado.
Dado momento el a mira con un auto desconoci a bin for di e entrada pabao y a core pasa banda di e
bentananan di e luga. Un di e personanan a purba di habri e bentananan for di e auto. E personanan den
e auto desconoci a mira e auto di e manager cu tabata para den e parkinglot. Door di esey nan a para
patrs di e auto, caminda cu e y su coleganan a spanta. E auto a mobilisa di manera cu GGW a mira e
plachi di number. Ta trata aki di un auto chikito shinishi, posiblemente un Chevrolet cu un plachi V.
El a yama Smart Systems y despues polis. Datonan a wordo tuma y a ristra den vecindario. Central a
wordo poni na altura.

Molester di vuurwerk na Noord Cura Cabay

NOORD CURA CABAY - Diabierna, pa mas of menos 1'or y 10 di marduga, patruya a bay den cercania di
Noord Cura Cabay pa algun persona cu tabata bezig ta strobe e anochi di e bisiÒanan. Polis a controla,
pero no a topa cu ningun hende. Comandante na warda a wordo poni na altura.

Dama tur bruha ta core pa supuesto agresor

NOORD CURA CABAY - Diabierna, pa mas of menos 6'or y 20 di mainta, un homber a presenta na
warda di San Nicolas y a declara cu cu un muher a haci seÒalnan cu su mannan na altura di JR
Autocenter na Cura Cabay pa e por para. E muhe di habla hispana a pidie pa hib'e warda di polis pasobra
su homber kier a mat'e. Yegando na warda, e muhe no kier a baha for di den auto. Polis a bay na e auto y
a cuminsa papia cun'e. E storia tabata bruha. E muhe yama SMV a declara cu e tata di su yiu homber,
yama JMF, a lucha cun'e den auto, cual modelo, marca ni number di plachi ta desconoci p'e. E tabata tin
un yabi di Dollar Car rental cun'e y a declara cu luga di e hechonan tampoco e no sa. E no sa tampoco
unda e mes ta keda. E tabata tin algun rasca na su horea drechi, wowo drechi, cachete y na su lomba. E
no a desea di duna keho. Patruya a bay na JR Autocenter y a trece e auto na warda. Ta trata aki di un
Nissan modelo Sentra color shinishi. E auto a wordo para dilanti di warda. Mirando cu e dama no tabata
tin ningun manera pa identifica su mes. El a wordo deteni a base di ley di admision y expulsion y
presenta dilanti di fiscal auxiliar en espera di warda nos costa. Slachtofferhulp a wordo poni na altura
despues.