Page 111 - KPA

Homber a core tras di muhe na Santa Cruz

SANTA CRUZ - Diabierna, pa mas of menos 12'or y 5 di merdia, Central ta dirigi patruya na altura di
Huchada, caminda cu un homber tabata core tras di un muhe. Eynan a topa cu e homber W., kende ta
cuadra cu e descripcion cu Central di Polis a geefdoor. W. tabata bao di influencia di alcohol y a resisti
contra di su aresto door di a ranca, pusha y uza forsa cu su mannan pa e no a wordo poni na boei. W. a
wordo poni abao den dos ocasion pero a logra ambos biaha bay bek riba pia. W. a haya dos tik cu e
quincena na su pianan pa asina kibra su forsa, pero asina mes no a logra pone abao. Na e momento ey a
pidi refuerso for di un otro patruya via Central. W. un biaha mas a wordo poni na vloer. E biaha aki si a
logra pone na boei.
El a wordo deteni y hiba warda caminda cu a present'e dilanti fiscal auxiliar y encarcela.

Cachonan mal nutri na Bubali

BUBALI - Diabierna, pa mas of menos 6'or di atardi, Central a dirigi patruya na un adres na Bubali,
caminda cu bisiÒanan a laga sa cu no tin ningun hende na e cas y cu tin varios cacho flaco eynan.
Yegando na eynan, e cura tabata na yabi y mester a bula pa asina haci control na e cas. A bati algun biaha
na e porta, pero no tabata tin reaccion. Despues cu a ripara cu e porta di e cas parti patras no tabata na
lock, polis a drenta. A controla na e cas, y tur cos tabata na ordo. Si nan a constata cu e cachonan no
tabata den bon estado. Door di esey Central a pone e agentenan na altura pa asina notifica e instancianan
concerni di e situacion. Central a wordo poni na altura. Pa mas of menos 11'or y 10 di anochi, durante
patruya, a ripara un auto cora chikito di e marca Daihatsu Cuore na e luga. A papia cu e conductor, e
homber MMP, kende a declara cu el a bin trece cuminda pa e cachonan. Tambe el a bisa cu e doÒo di e
cas, e homber Q. no ta na Aruba y for di October e ta na Hulanda pa motibo di malesa di su yiu y cu e lo
yega bek dia 29 di Januari. A tuma contacto telefonicamente cu Central, cu na su turno a pone e
instancianan concerni na altura pa asina busca e cachonan. Central a wordo poni na altura.

Problema di bisiÒa pa motibo di klap

NOORD CURA CABAY - Diabierna, pa mas of menos 5'or y mey di atardi, e homber yama G. a presenta
na warda pa pidi intermediacion di polis. El a bisa cu su bisiÒa tabata guera su cas cu vuurwerk. Esaki
tabata sosodiendo pa algun dia caba. Polis a bay na e bisiÒa y a papia cu LEBT, kende a declara cu berdd
su yiu homber a tira klap, pero no riba e cas di e bisiÒa. El a priminti di no haci esaki mas. A mustr'e cu e
ultimo dia pa tira vuurwerk, tabata dia 1 di Januari. Paz a wordo restaura. Central a wordo poni na
altura.

Trato inhumano contra cacho

SAN NICOLAS - Diabierna, riba e pagina di facebook di Animal Abuse Report Aruba, a informa un caso
di maltrado di bestia na un adres den Isaac Wagemakerstraat. Riba nan pagina nan a comparti algun
potret di un cacho cu tabata pafo di cura di dicho cas mara. Por a mira cu e cacho tabata mara na un
cadena di mas of menos 2 meter, cu no tabata tin ningun luga pa sconde ni di solo ni di awasero. Den
cuadro cu esaki, a bay patruya na dicho luga y no tabata tin hende na cas. A constata cu e cacho en
berdad tabata riba caminda publico, riba un caminda di santo y tabata mara na un cadena di dos meter
mas of menos, na un bloki di palo. Dicho cacho no tabata tin un luga adecuado pa e sconde contra solo ni
awasero, cual potretnan a wordo saca. Mirando cu tempo tabata na awa, e cacho no tabata por a sconde.
E agente a dicidi laga e cacho los. Comandante na warda a wordo poni na altura.
Pa mas of menos 12'or y mey di merdia diabierna, a dicidi pasa bek, e ora si e doÒo tabata na cas. El a
duna di conoce cu e yama C., y a declara cu e dia prome, el a mara e cacho, caminda un auto di dje tabata
pafo di e cura daÒa. Y pa e motibo ey a mar'e pa e cuida esaki.
Segun testigonan C. ta gaÒa pasobra semper e tin'e mara eynan. Polis lo keda monitor e situacion. El a