Page 26 - AWEMAINTA
P. 26
26 AWEMainta Diabierna, 7 December 2018
Weekend di domino na 99 Bar & Restaurant
E weekend benidero ta bay ta uno cayente cayente
cu batayanan di domino na e unico Domino Square
Garden na Aruba! Fin di siman caba tabata tin un en-
cuentro fuertísimo entre dos team cu a drenta nobo
nobo den campo di bataya, esta Team Big Red y Team
Turtle Boys. Den prome mitad Big Red a lucha basta
pa a domina e turtle ninja nan cu score di 11-10!
Den di dos mitad si e tortuganan a cuminsa bira slow
estilo morocoy! Cu score di 21-17, Team Big Red ta
logra titula campeon p’e anochi aki.
Shonnan, diabierna awor lo ta bay tin domino di alto
calidad, ora cu 99 Bar & Restaurant inicia su tempo-
rada di fin di aña cu’n candeloso happy hour di 8’or
di anochi en adelanti caminda e Chill Bucket nan y
Dewars 15 Years lo bay na prijsnan super special! No
perde e oportunidad aki! Lamper cu strena lo cay dia-
bierna awor ora man nan di mano de piedra habri bay
off!!
Y Diadomingo di 9 di December, lo ta bay tin e can-
deloso encuentro di “Nos cu Nos” di nada menos cu
Team Snor! Si shonnan, esaki lo ta “the ultimate bat-
tle” etre integrantenan di Team Snor pa determina
cua ta e duo cu por titula nan mes “best of the best”
di Team Snor pa 2018!! E fabuloso encuentro aki lo
cuminsa desde 1’or di merdia n’e Domino Square Gar-
den na Calabas, esta 99 Bar & Restaurant! Yegaaa!!!
