Page 37 - HOH

Hopi biaha e hendenan no sa cu nan mester bin dokter. Of nan ta bin ora cu tin un

complicacion, ora nan haya un infarto di curason, of ora cu e riñon no ta traha bon y nan

pia ta hincha, of nan tin un herida cu no ta cura of nan ta urinando di mas y nan ta droog

uit.

E ora e hendenan ta bin. Pero nan no ta bin pa controla. Tin hende no ta gusta bin dokter

mes. Nan ta ni bin ora tin un herida nan ta bin ora cu e tenchi ta blauw caba. Ora cu tin

hopi dolor. Esey no kier. Kier yama e hendenan pa nan bin controla. Tin un tiki steun

awendia den e consultorio di dokter. Cada dokter di cas tin un POH (praktijk

ondersteuner), kende ta steun e dokter den e manehamento di e diabetes cerca e

pashentnan cu diabetes.

E POH ta wak cua ta e pashentnan cu ta diabetico y ta yama nan.

Ta importante pa menciona algo hopi chikito cu e malesanan cronico, ta wordo anda hopi
otro compara cu malesanan agudo. Manera ora cu cay kibra un pols, bo ta bay hospital,

bo ta saca un potret. Nan ta wak cu e ta kibra, ta haya gips y despues di algun siman, el a

cura y bo no mester mas accion pa e fractura cura.

Pero un malesa cronico, cual ta diabetes, presion halto, asma, otro malesanan cronico,
mester di un Cronic Care Module, un modelo di salubridad, pa anda cu e malesanan aki y

mester pone atencion riba hopi cos pa nan ta na ordo pa por duna e servicio aki.

Dr. Vis a menciona cu e ultimo añanan, den e eerste lijn (primary care) a pone hopi cos

na ordo hunto cu AZV, hunto cu Hospital, hunto cu Wit Gele Kruis.