Page 39 - HOH

embaraso. Esun cu ta mas presente ta e diabetes tipo 2. 90% di hendenan cu diabetes tin e

tipo 2. E diabetes tipo 2 ta wordo causa door di obesidad, esta e peso cu ta subi y e vet cu

ta acumula rond di e organonan den e barica. No ta e vet bao di e cuero cu por saca cu

lyposuction. E ta e vet den e barica, rond di e higra, rond di e tripanan. E vet eynan ta

traha hormonanan cu ta stroba e trabao di e insulina.

Diabetes ta relata na otro factornan cu ta relata na nos estilo di bida. Esta come

cumindanan no nutritivo cu tin hopi caloria. E ta laga nos subi di peso, falta di movecion

(awendia casi nos no ta haci deporte mas y hiba un bida hopi sedentario). Stress tambe ta

un causa importante di malesanan cardiovascular, hunto cu diabetes. Un problema hopi

grandi ta e problema di hoben caba, no siña hendenan anda cu un bon estilo di bida.

Esey ta e cos di mas importante. Nos mester cuminsa cu nos muchanan tambe. No

solamente hende grandi, pero mira bon kico e yiu ta come. No dun’e refresco, of juicenan

cu hopi sucu. Inscribi nan na un deporte cu ta duna nan disciplina y laga nan move.

Mester inverti den nos muchanan vooral. Pa nos hendenan grandi tambe mester tuma bon

decision.

Tin chens mas halto ora cu tin sucu den famia. Diabetes ta un malesa cu por manifesta su

mes cu edad. Antes tabata wak’e na edad mas halto, cual ta ouderdomssuiker. Pero

awendia nos ta wak’e mas tempran, door di e estilo di bida a haci cu e hende su curpa a

cambia y e malesa ta bin mas tempran e ora.

Kisas no por previnie pa e bin ora cu bo ta 80, pero por ta cu si. E ta bale la pena, pasobra

cu mas aña bo pospone e manifestacion di sucu mas miho pa bo salud, segun dr. Vis.

Mas tempran bo hay’e, mas chens bo tin pa haya complicacionnan tambe, sigur si e ta

relata na un estilo di bida cu bo no por mehora facil.