Page 58 - KPA JAN 9

Bus cu ta transporta

hende pa misa a keda

completamente kibra

Published on January 9, 2017 in Local
ORANJESTAD, Aruba

Na e crusada di caya Milo Croes a tuma luga un accidente pa falta di preferencia. Ta
trata aki di un van cu tabata biniendo for di direccion di stadion bin abao pa bay playa y
e Jeep Wrangler cu ta bin for di ex kooyman no a duna preferencia. Di un of otro
manera e jeep no a para na e crusada y duna preferencia na e bus y a bay dal asina
fuerte contra di e bus y a pega den e muraya di cas di famia Oduber. E homber den e
bus a haya sla na su pecho y ambulance a bin na e sitio y transporta e homber pa
hospital. Polis di trafico a yega na e sitio y a atende cu e accidente. E jeep ta un jeep di
huur pero un hoben local tabata na stuur y e bus ta un bus cu ta transporta hende pa
misa. E chauffeur no ta doño di e bus y e seguro tambe a caduca. Polis a hiba e bus pa
balashi pa asina e doño di e bus bin cu un seguro valido pa por saca e bus for di
balashi.