Page 62 - KPA JAN 9

Cacho cu a morde su

propio doño y cu ta

terorisa e bario a keda

elimina

Published on January 9, 2017 in Policial/SPLASH

ORANJESTAD, Aruba

Na sabana basora diabierna ultimo un cacho a morde su propio doño. Ambulance a
presenta na e sitio y a transporta e señora pa hospital. Mirando con grave e cacho a
morde e doño a dicidi di laga e cacho drumi. Sinembargo na momento cu polis a yega
na e sitio e cacho a drenta mondi y no a bini mas. E doño di e cas a keda hospital un
dia y e siguiente dia a bolbe bek cas y e cacho tabata na cas pero no ta laga e doño
drenta su cas.

Un biaha mas e doño mester a yama autoridad pa asina mira e situacion y pa mira con
lo por atende cu e cacho. E cacho no ta di awor tin e muchanan y hende grandi nan
den bisindario tormenta. Tin biaha e ta bon pero den e mes un momento ta cambia y
bira falso y ta ataca tanto mucha y hende grandi den bisindario. Awor e cacho a bay
asina leu cu e la maltrata su propio doño.

Segun bisiña nan ta trata aki cu e cacho ta jaloers riba e otro cachonan y animalnan cu
e doño tin na cas. E la sinti esaki for di basta dia y ta protesta di e manera aki na
momento cu e doño di cas ta duna cuminda y atencion na e otro cachonan. E situacion
aki no por a sigui asina y e doño cu hopi tristesa y emocional a tuma e decision di laga
su cacho drumi pa asina e por drenta cas y drumi trankil den oranan di anochi.