Page 63 - KPA JAN 9

Hopi Polis riba caya pa

garantisa siguridad:

Polis cu menos

detencion den Fakkel

Optocht Compara cu aña

pasa

ANJESTAD, Aruba Cu solamente 8 detencion prome, durante y despues di parada di
flambeu, Cuerpo Policial ta considera e prome evento di carnaval 2017 como un exito.
A pone mas o menos 120 Polis riba pia pa por sigura orden publico, no solamente entre
e participantenan, pero tambe pa e publico banda di caminda.
E parada a sali pa 8:15pm y e ultimo grupo, e “Last Lap Band” a yega final pa 1:30am.
E velocidad cu cual a maneha e “Fakkeloptocht” ta aceptabel y participantenan a gosa
masha. Aña pasa Polis a detene 15 sospechoso, pues e cantidad di 8 detencion di e
aña aki ta mustra un adelanto positivo. Mester cu e 8 detencionnan a produci un suma
di Afl. 1675,= na multa. Causa di e detencionnan ta varia entre posecion di arma,
buracheria publico, bringamento, posecion di droga y maltrato simpel.

Lamentablemente cu den e detencionnan, Polisnan riba bicicleta a topa cu un
sospechoso conoci, e homber di fam K, cu tabatin un arma den su poder. Ora a listr’e a
nota cu no tabata un arma di candela, sino un arma estilo “airsoft” pero esaki ta un
modifica. Pakico bay cu un arma asina carnaval, no ta conoci.
Manera ta conoci, hunto cu Ministerio Publico, e maneho di Cuerpo Policial durante e
temporada aki di carnaval ta basa riba un ordo general di listramento preventivo y ora di
detencion ta aplica e maneho di “Lik op stuk”, of conoci popularmente como “Faya bo
haya”, den cual mester paga un multa “cash” pa por sali di prizon mesora.

Ta obvio aki cu e maneho preventivo di Cuerpo Policial Aruba a duna su frutonan
durante e parada di flambeu aki. E hecho cu a avisa di antemano di e medidanan di
siguridad cu ta aplica y e consecuencianan pa tur esunnan cu no cumpli,
probablemente tabatin un efecto positivo riba esfuersonan di prevencion. Y sin duda e
cantidad di Polisnan riba pia a percura pa malhechornan pensa nan mes dos bes
prome cu haci cualkier maldad. Tabatin 65 Polis uniforma riba pia, hunto cu ekiponan