Page 9 - BNDIA ARUBA

A9
REINO Diabierna 16 november 2018

Tres detencion

y placa

confisca

WILLEMSTAD - Tres
homber a keda aresta
en coneccion cu un
investigacion cu tin
andando caminda durante
un di e entradanan
hudicial, a logra confisca
un suma cuantioso di
placa en efectivo. E
accionnan a tuma luga
den bicindarionan di Sint
Michiel, Montaña Rey y
Noord Santa Rosa, manera
cu Vigilante Korsou a relata.
Division di Crimen
Organisa den cooperacion
cu KMAR a realisa e
entradanan hudicial
for di 6’or di mainta.
Esakina ta relaciona cu un
investigacion penal cu ta
den proceso y ta relaciona
cu desmantelacion di un
organisacion di droga y
violacion di ley di opio.
Identidad di e tres
detenidonan ta como lo
siguiente: C.A.E., di 32
aña di edad, Y.R.A., di 30
aña di edad y S.M.A., di
46 aña di edad. Tur tres
ta hende homber naci
na Corsou. Den cuadro
di e investigacion, a
haya y confisca algun
telefon y tambe un
cantidad grandi di placa.
E sospechosonan ya a
presenta dilanti di Fiscal
Auxiliar cu a duna ordo di
encarcelamento pendiente
di mas investigacion.

Like us on

Facebook

facebook.com/bondianoticia