Page 59 - AVP
P. 59
Rene Herdé: Chaos Den Enseñansa Pa Falta Di
Claridad, Confiansa Y Comunicacion
Politica
- 22/09/2019
Normalmente enseñansa ta un area di trankilidad y continuidad cu Bo por conta riba dje.
Ora tin intrankilidad den enseñansa, mester tin un bon motibo.
Den palabra di maestronan di scol mes, e intrankilidad den enseñansa aworaki tin un
causa: E Minister di Enseñansa.
Ta pesey diferente grupo di maestro di scol, na diferente momento den ultimo aña, a pidi
atencion p’e situacion critico den enseñansa. Awor nan ta pidi pa retiro di e Minister di
Enseñansa mes.
E exigencia p’e Minister tuma su retiro ta inusual y e ta un señal cu ya no ta wak
posibilidad pa traha cun’e. Ta con a yega asina leu? Ta kico a sosode cu den apenas dos
aña enseñansa ta den e chaos aki? Na palabra drs. Rene (Baba) Herde.
CHAOS DEN ENSEÑANSA
Pakico ta caracterisa e situacion den enseñansa como uno caotico. Buscando splicacion a
yega n’e siguiente motibonan cu maestronan mes ta menciona: falta di atencion pa
problemanan serio na tur nivel di enseñansa.
