Page 14 - MIN ON

Polis a core tras di un homber perverso cu a

drenta un school y 2 klas terorisando e

muchanan den klas

5 HORA PASA , 24 DI MEI 2017 08:03
SECCION: INCIDENTE

Diaranzon mainta a drenta informe di cu na Colegio Pastoor Kraanwinkel lo tin un homber

perverso y cu pa algun dia caba ta molestia e muchanan, mesora a dirigi un patruya na e sitio.
Na caminda pa e sitio e patruya a ser informa di e descripcion di e tipo aki cual lo no ta mucho
bon di cabez. Na yegada di e patruya a bin haya e homber aki drumi riba e stupi na entrada di e
misa y polis a bay atende cun'e. E homber a bisa cu e no tin cedula y a bira masha onbeschoft
cu polis y a cuminza zundra grita dilanti tur hende. Polis a bay pa detene pero esaki a core

drenta subi tereno di school, dentra den e gang y a cuminza grita, despues ela drenta den klas
unda muchanan chikito tabata sinta y polis su tras p'e no haci daño na e muchanan. Ela pasa di
un klas p'e e otro mientras muchanan tur spanta tabata grita di susto y hasta algun tabata na
yoramento. Un ciudadano cu a mira kiko tabata pasando a yuda polis wanta e sospechoso pa
asina por a pone su mannan na boei. E polis a hiba e homber perverso aki pafo y a pidi pa un

otro vehiculo policial bin buske. E muchanan a keda traumatiza y spanta di a presencia e
agresividad y tribilidad di e homber perverso aki.