Page 16 - MIN ON

3 MINS
POST VIEWS: 66

ORANJESTAD, Aruba

Despues di mas cu 30 aña Minister di Finanza, Angel Bermudez conhuntamente cu Minister di
Enseñansa, Michelle Hooyboer Winklaar a formalisa e decreto cu ta regarda e fianzanan di estudio
pa studiantenan di Aruba, esta e ‘Arubalening’.

Segun e mandatario a haci varios cambio y adaptacion tanto den aspectonan di e fianza mes como

tambe e reglanan pa na momento di paga bek. “Den e ultimo 30 añanan bo ta wak cu tin hopi forma
di studielening contract y tambe diferente condicion a ser cumbini. Esey a bira un problema pa nos

por structura e proceso ora di cobra bek,” asina Minister Bermudez a splica, “Pasobra mester tin mas
tanto posibel igualdad pa un y tur”. E mandatario a sigui splica cu a haci un proposicion pa uniforma
e portfolio cu tin na fianzanan di estudio pendiente di pago, pa asina por cuminsa structur’e miho den

e sistemanan na Directie Financiën y cobra e fianzanan manera debe ser.

Entre e cambionan cu ta drenta na vigor cu e decreto nobo aki, entre otro, tin e porcentahe di interes.
Na aña 2015 esaki a baha di 6%, pa 3% y awo e ta keda stipula na 2%. Den pasado e interes aki

tabata acumulativo, awo esaki ta bira ‘enkelvoudig’, pues e studiante lo cuminsa paga e interes desde
e momento cu e cuminsa paga e fianza bek. Antes e periodo pa paga bo fianza di estudio bek tabata
un maximo 15 aña, awo esaki tur studiante ta haya 5 aña mas di flexibilidad. Ademas, ora un
studiante caba su estudio y bin bek Aruba, tambe por haci un apelacion hunto cu un prueba di

registracion pa haya un descuento di e suma total di debe, cu un 35%.

Minister Bermudez a sigui splica durante e conferencia di prensa cu entre e facilidadnan cu a wordo

introduci, e studiante cu bin biba bek na Aruba y cuminsa paga su fianza no solamente e interes cu
nan ta paga ta deducibel for di e ‘inkomsten belasting’, pero tambe e pagonan cu ta wordo haci riba e
fianza mes.“Nos a modernisa e cambionan aki pa haci’e mas atractivo pa esunnan cu caba nan
estudio, bin bek y na cierto momento tin cu cuminsa paga. Pero nos ta compronde cu hopi biaha e no

ta facil pa e starternan aki, pasobra nan mester cumpra un auto, uniform, etc. Como Gobierno nos ta
purba di acomoda mas tanto posibel cu e fianza aki pa e studiantenan por sigui inverti den nan

futuro”, asina e mandatario di finanza a finalisa.