Page 11 - MIN ON

Parlamentario Jennifer Arends-Reyes (AVP): Scolnan

Na Aruba Lo Mester Por Keda Habri Pa Ofrece

Actividadnan Extracurricular

 Politica
- 23/05/2017

Parlamentario Jennifer Arends-Reyes ta bisa cu Aruba ta trahando sumamente duro rib’e
introduccion di mas proyecto y posibilidad pa ‘opvang’ tanto pa mucha como
hobennan.Nos sa cu e mayornan awendia tanto mama como tata ta mas participativo den
e mundo di trabou y e discusion pa e necesidad pa reenforsa e programanan y
facilidadnan cu ta ofrece cuido y un disciplina manera arte, musica, deporte y baile ta
birando mas central.Ta bira hopi cla cu lo mester por cuminsa pensa riba horarionan
extendi di scolnan caminda cu muchanan y hobenan despues di scol merdia por keda scol
y haya otro programa extra curicular cu lo yudanan enorme den nan formacionRealidad
ta cu tin demasiado mucha y hoben despues di scol ta keda cas y ta keda cas sin
supervision cual ta inaceptabel. E fenomeno aki di ‘sleutel kinderen’ mester wordo
disminui cu un plan nacional, segun Parlamentario Arends-Reyes, kende ta kere
firmemente den proyectonan despues di merdia.Na Aruba e participacion di deporte ta
bou di 20% y e cifra aki mester bay incremente.A introduci varios proyecto traimerdia pa
scolnan y hobennan, pero ainda falta uno na nivel nacional cu ta acapara varios
Ministerio hunto. Hopi mucha riba nos isla ta haci uzo di centro di cuido/creche cu ta
ofrece cuido ful dia te cu 5’or of 6’or di atardi te ora cu un of tur dos mayor caba di traha.
Esaki tabata un conclusion despues di a bishita varios crèche y tambe estadisticanan. E
ley cu Parlamento lo mester por trata den e luna venidero pa introduci e permiso,
inspeccion y rekisitonan basico ta sumamente importante pa nos pais mirando cu tin
necesidad p’e y tur caso lamentabel na cada crèche ta uno dimas, e Parlamentario ta
remarca.E ley aki di crèche a tarda pa traha riba dj’e, segun e Parlamentario, mirando cu
e producto final y te ultimo ainda tabatin contribucion di diferente stakeholder manera
fundacion pa nos muchanan, doñonan di crèche, mayornan, Gobierno y Parlamento.A
presenta e concepto di ley varios biaha na Parlamento y ta fraccion di AVP so a manda
pregunta pa Gobierno y a pidi pa haci cambionan necesario pa wak con por yega na
cambionan den un periodo di transicion cu ta keda realistico y rasonabel pa e
centronan.Esaki ta hustamente locual a tuma e ultimo tardansa pa trece e ley aki den un
reunion publico y pa e caba di bira un realidad. A compronde cu lo bin un nota di cambio
y lo presenta periodonan di transicion especialmente pa inversionnan den infrastructura
pa cada centro.E “upgrading” di e personal tambe lo conoce un programa special ofreci
pa Gobierno y tambe tin su periodo di transicion.Un punto cu hopi crèche tabatin
dificultad cu ne ta e ratio di cuanto leidsters pa cuanto mucha,esaki ta un punto caminda
cu Aruba compara cu Hulanda of Corsou tin un ratio mucho halto pa cada leidster.Den e
nota di cambio lo trece un proposicion p’asina yega na un cantidad balansa y realistico pa
Aruba sin cu ta compromete e calidad y supervision cu mester por ofrece na nos
muchanan, Parlamentario Arends-Reyes ta termina bisando.