Page 42 - ARUBA BANK

Segun Resultado Di Encuesta Di CBA: Negoshinan

Na Aruba Tin Poco Mas Confiansa Y Expectativa Den

E Ultimo Kwartal Di 2018

 Politica
- 20/06/2019

Parlamentario Setty Christiaans-Yarzagaray di fraccion di MEP a elabora riba e raport cu
Banco Central di Aruba (CBA) recientemente a emiti. E raport recien aki ta trata di e
percepcion di negoshinan na Aruba cu a wordo registra den e di 4 kwartal di 2018.

Despues cu CBA a emiti e publicacion di confiansa di e consumidor algun siman pasa,
awor ta emiti e percepcion di negoshinan na Aruba na unda cu Banco Central di Aruba ta
indica cu e percepcion of e index segun e calculacionnan, a registra un subida modera den
e di 4 kwartal di 2018.

Esaki ta un indicacion cu negoshinan cu tin un poco mas confiansa den e kwartal aki
compara cu e kwartal anterior. Negoshinan ta indica di ta poco mas optimista over di e
situacion general a corto plazo.